Psyco M El Rap Met /الراب مات
Awal mara nched stylo w ma3andich thème
Yomkin na3ref beli lwa9a3 maybedloch laklam
Awal mara nchof rap no9tat istifham
La7bar wafa w stylo bda yarka3 l système
Awal mara nakteb man7asech f rohi stable
N7ass stilo fi yedi wella incontrôlable
N7ase fi yedi tet7arek wl mokh mahoch wa3i
Kayen 3abd akhor yakteb f alaklam bta3i
Alwar9a tar3och wstylo t7arek fih les fantômes
Ki nakhzer lelmraya na3ref 3andi les symptômes
El3inin tweli bida nedkhol fi 3alem mokhif
Matafahmoch kan mata3refch les symptômes positifs
Na3mal rap conscient wana mdaya3 la conscience
Je perds le contrôle, nakteb b sixième sens
Mach 3aref hadi schizophrénie wela intelligence
Rap klam chare3 mafhemtech 3lah nrapi b la science
Bin rap ta3i w alwa9a3 fema décalage
Sa3at nkhemem narmi stylo na3mel dérapage
Ta7ki b rap 3la les atomes yredok mokhtal
Mostawa tafkir l mokh yefhem kan b sabban w gmal
Manich neklachi stylo yekteb wahdo
Yakteb fi klam w alwar9a tach3al nar ta7to
Mana9derch nwa9fo na3mel pause w nched le frein
Mana7kemch fih hadak 3lach nrapi bla refrain
Lazemni antidote el rap wela maladie
Ki tebda tekteb wdmou3 tejri m3a l mélodie
Mahich sahla s3ib tkon rappeur ki Base ta3 mousika ywelli battement ta3 ton coeur
Ki tekteb wstylo f yedek yar3och m l'adrénaline
W texte yweli dem yemchi f circulation sanguine
Ki tetnefess flow technique taghro9 f les rimes
Tet3ab la nta Psyco M t7ab tweli anonyme
Ki klamek yweli censuré wklamek ma3zoul
Ki rapek hon y7arboh bech mayoselch lel 3o9oul
Ki kmalhom klah souss wkmalek yekteb derouss
Klamhom yetba3 wklamek ya93od mofradat fi 9amouss
Mofradat fi safa7at 9ed matkteb fiha ta93ad beyda
Klam l7a9 mayatarch fi la9loub ki teb9a mrida
Ki trapi wenta faya9 west mojtama3 zatel
Stylo ychi7 ki yekteb 9issat 7a9 fiktab el batel
9alb 7zin wstylo yekteb b souffrance
Maykhrejch klam ychata7 wklam ya3mel ambiance
Y9ol elf kelma beskato ki yebda en silence
Kan dolm soual yweli howa la réponse
Ykherej ktiba rzina bel 7ikma w klam mawzoun
Ykhelik teghtous fi a3ma9ak ta3ref anti chkoun
Ya3tik 39al tkhemem bih fi 3asr el jonoun
Rap falssafa aw la yakoun
Rap chi3r w chi3r 3andou 9anoun
Fi blad 9anounha win chi3r yhazek l soujoun
Win soujoun ma3adech 7yout soujoun welat fikr
W l fikr adak ykheli lbiban f wejhek tetsekar
Lyoum nssina laasel, nssinal assassiyat
Telhina kan bla ghlaf wel jamalyat
El haja li khalat rap mred wmat
Nssina bli rap : texte 9owat kalimat
W denya 9ad ma ta3tina f la7da tefna
W rap li f9ad l 9ima ta3ou kif lakfen ylaffna
Rap wela buzz w chohra welat mard
Nssina la7ssab wsoual fel 7ofra ta7t lard
Lyoum nchof rappeur f9ad 9imtou ka insssan
Yet3arkou 3la Number One, tetya7 9der w sabban
Rap jifa natna ydorou 3laha ki thebban
Khli l cauchemar fi soubat ma3adech y7ab yban
Khelit rap l rappeurat li mnou tetma3ach
Rap mahouch rap kan klamou mayouja3ch
Rap ta3i ykhewef 7abou yedefnou f na3ch
Na9atlou wa7di nadafnou mais manarka3ch
Houn ysakrou 3lik fi blad 7akmouha wjouh lou7
Y3ayfouk hata f 9albek ymout atoumou7
Blad Bibanha mssakra mafihach afa9
Blad win alfanan yatlansssa b nifa9
Bara 3andhom Itunes, f tunes 3andna nechela
3andna fan 3al 7it wazaret ta9afa fachela
Kifech y7abouk tebda3 houn fi lablad l massta
Ta9afa 3al 7it hata l fen wela bel wassta
B9alna kan rap texte kase7 mach musi9a trap
Manach ta3 carthage 7na rapna ta7t trab
El fallaga jdoudna makhlefnach w3oudnaa
Rassna dima lfou9 mardinach bel moumyaa t9oudna
Virus li drab lamkhakh lyom 9wi ma3adch yetfara3
Welit na3mel fen laboratoire ma3adch fen chare3
Khater wela 3andna des cobayes ma3adch 3andna public
Lablad welat kif l’hôpital psychiatrique
Ça sert a quoi tgheni la3bad mach fahma ?
Y7atoulek j'aime ki fer9at irhab tjik fi modahma
Rapna mach terkib klam w talfi9
Rapna analytique fema chi anta ma tfi9
Raphom lo3ba a7na rapna khatar
Raphom yhaze l Carthage rapna yhaze l la9bar
Raphom yjib lafousse mihrajanat w tassfi9
Rapna yjib l 7abss ki ta7ki 3el politique
Matloumnich mana9derch nrapi b klam sahel
Psycho Mantis mayrapich lel public l jahel
Mokhi ki disque tformata meli kont sghir
Wela ybouti 3la Splinter w Metal Gear
Hadika 3lach rapi kima l'équation
T3adi l parole kima stage bech tel9a la solution
Ma3na dima metkhebi f soutour mahouch bayen
Matkhafi bel bondage ki Snake f Phantom pain
Rapi mdécali b3id yasser 3la had le monde
Fi mokhi t3ich wo7och 9adra t7atmo chaque seconde
3alam akhor ajbed mnou laklam
A9lil li yefehmou kolha tchoufou no9tat istifham
Kheliwni wkhliw rap raw yssoufri
L public 3andou a9wa rappeur aktar wa7ad zoufri
Lamkhakh mssakra w la9loub mat7adjra
Kan nkamel na7ki rapi yweli 3obowat matfadjra
Kheliwni saket kheliwni narja3 fi soubat
Khali Psyco M ymout marta7 w ye93ad dikrayat
Kheli nhaze rap m3aya khelih ymout b9adrou
Khelini nekteb akhir kalimat 3ala 9abrou
Rap 7a9 ou l 7a9 ymout fi 3asr l in7itat
Rap tsemmem w mat 9atlouh kima sokrat
Akhir teswira 3la 9abrou dam3a wa7mam ytir
W stylo taya7 mkassar la7ber mnou yssi7