كليب "روميو وجوليت" عمر الكروان | Clip "Romeo & Juliet" Omar Elkarawan

على أى كلام معترضه وأسهل حاجه ف بُقّك لأ

أنا قولت كتير وتعبت كلام وادّيت مليون إنذار

ياما قولت بلاش تنزيل في صورنا عشان مش ناقصين نَقّ

الصورة تنزل من هنا فى خناقه لربّ السما وحوار

فُكّيها كدا واهدى شويّه

مالِك حسّاسة بقيتى أبو لمس

بقى نِفسى يعدّى يومين

من غير تكشيرة ومن غير قمص

روميو وچولييت همّا احنا وأحلى وأجمل قصة حُبّ

ليه بقيتى واقفالى ع الواحدة وكلمة بكلمة مابتعدّيش

قاعدين ف أمان الله فاجئة البوز يطلع شبرين هوبّ

وامّا اسأل مالِك طبعاً هيكون ردِك مالى مافيش

فُكّيها كدا واهدى شويّه

مالِك حسّاسة بقيتى أبو لمس

بقا نِفسى يعدّى يومين

من غير تكشيره ومن غير قمص

فين اللى كانت لو طالت كل ثوانى غيابى تِعِدّ

كان بالنسبالها زعلنا في يوم من رابع المستحيلات

دلوقتي خلاص لما ازعل منها تسبنى وتِمْشى تمِدّ

حكايات الحب بجد ياريت تفضل كلها بدايات

فُكّيها كدا واهدى شويّه

مالِك حسّاسه بقيتى ابو لمس

بقا نِفسى يعدّى يومين

من غير تكشيره ومن غير قمص