فهد بن فصلا - قوس | 2021
يا حبيبي حط قوس وحط بعده قوس
واكتب اسمك واسرق احبك من شفاهي
وابتسم والعب على المسحوب والمنكوس
انت في وجهي عن الضيقة وفي جاهي
العذارى من جمالك وضعهم محيوس
اعرض بزينك على الترفات متباهي
ودوّر اشباهك ماهو فالارض فالفردوس
انت فالارض الوسيعة مالك اشباهي
امش متكبّر وحط الروس فوق الروس
يقعد التجميل عند الزين الالهي
كل ترف ينافسك فالشكل والملبوس
ارفع حجاجك وقله ما بقى الا هي
جعل قلبي فدوتك يا الفاتن المحروس
وجعل يفداك الشعور وشعري الزاهي
ما دريت ان المحبّة حابس ومحبوس
لين شفتك عن جروحي كلها لاهي
ما قدرت احصّلك فالواقع الملموس
ضعت مثل السكر اليا ذاب فالشاهي
بعدك الايام تعطيني عبر ودروس
ارجع ورجّع ليالينا على ماهي
