فالح بن فصلا - احتاج| 2021
روح فمان الله ورعايه الله
مع السلامه رافقتك السلامه
احتاج وجه بسمته في محياه
حاجة فقير راس ماله حزامه
يقول ياويلي على المال ويلاه
واقول ياويلي على الابتسامه
انا ليا غنا المغني لليلاه
بان الحزن فيني .. علامه علامه
وغنيت لك ياتل قلبي من اقصاه
لاوحيت مع وجه العصير الحمامه
روحي وخلي من نثرني بقاياه
يمضي عليه العمر عامه بعامه
ويوم يفضفض للمكان وزواياه
عن كل شي ولايكمل كلامه
حزنه من اقصى طعنة في حناياه
ماجابته سبابته من بهامه
تمره اغلى الذكريات وتعداه
ويموت بين الكبر والانهزامه
ادنا مايزعل منه وادنات مرضاه
مثل الغرير اللي على اول فطامه
يسري ولا يدري على وين مسراه
ويسرح ورقاد الضحى في منامه
كم لي وانا الوم الزمان بسواياه
ولاحر من جمر العتب والملامه
هذي ترا رحلة ضياع ومعاناه
يقضي بها المغرم بقية غرامه
