اغنية ملوك الجدعنة - محمد سلطان - 2021 - Mohamed Sultan - Melok Elgad3ana

قالوها حكمه زمان

     اختار الصديق قبل الطريق 

وانا اختارتك عشان 

    شكلي و شبهي في كل شيء 

توبك توب الجدعان 

             ومشيك عليا يليق 

وقلبك مالوش سجان 

       يفوت ف الحديد وجريء

مجدع وحقك لو في عش الدبابير تجيبه 

أصيل وصاحبك لو ف شده لا يمكن تسيبه

واللي تاكل عيش وملح معاه تصونه 

وترد غيبته لو فيه كل الناس يعيبوا 

ياصاحبي وصديق عمري واخويا وتؤأمي

ياعيني ال انا بشوف بيها لما بتعمي   

ياضهري اللي انا عليه بتسند 

ودراعي اللي انا عليه بعتمد 

والبير اللي أسراري كلها فيه بتترمي  

طول عمرك زي ضللي 

           و كتفك في كتفي  وقت اللزوم

وف النار عشاني روحك بترمي 

               لا جبت وري ولا خفت يوم 

لو قولتلك في الشرنجري

            فأي حاجه علي عومي بتعوم

من غير ما قول موجوع فاهمني 

                 وحافظني لما ف شري بقوم

من واحنا لسه عيال بحسك حته مني

وفي المره قبل الحلوه دايما بتقاسمني 

معرفش من غيرك بجد كنت ازاي هعيش 

دنا الحياه بتسود فعيني لما تخاصمني

سنيو...

ياصاحبي وصديق عمري واخويا وتؤأمي

ياعيني ال انا بشوف بيها لما بتعمي   

ياضهري اللي انا عليه بتسند 

ودراعي اللي انا عليه بعتمد 

وبيري اللي أسراري كلها فيه بتترمي